ຂ່າວສານ ແລະ ກິດຈະກຳ.

ຂໍສະແດງຄວາມໂສກເສົ້າເສຍດາຍຢ່າງສຸດຊຶ້ງ ແລະ ອາໄລອາວອນຢ່າງຮັກແພງ ເຖິງການຈາກໄປຂອງ:ສະຫາຍ ໄຊສົມພອນ ພົມວິຫານກຳມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປ ລາວ

🖤 ຂໍສະແດງຄວາມໄວ້ອາໄລຢ່າງສຸດຊຶ້ງ 🖤ຄະນະພັກ, ຄະນະສະຖາບັນ, ຄູ-ອາຈານ, ພະນັກງານ ແລະ ນັກສຶກສາ ທົ່ວສະຖາບັນການທະນາຄານ ຂໍສະແດງຄວາມໂສກເສົ້າເສຍດາຍຢ່າງສຸດຊຶ້ງ ແລະ ອາໄລອາວອນຢ່າງຮັກແພງ ເຖິງການຈາກໄປຂອງ:ສະຫາຍ ໄຊສົມພອນ ພົມວິຫານກຳມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປ ລາວການຈາກໄປຂອງ ສະຫາຍ ຖືເປັນການສູນເສຍຄັ້ງຍິ່ງໃຫຍ່ ແລະ ຫຼວງຫຼາຍ ຂອງພັກ, ລັດ, ປະຊາຊົນລາວບັນດາເຜົ່າ ກໍຊັ້ນຄົນປັນຍາຊົນ ແລະ ບຸກຄະລາກອນໃນຂະແໜງການສຶກສາ-ທະນາຄານ ທີ່ໄດ້ສູນເສຍຜູ້ນໍາທີ່ມີຄວາມຮູ້, ຄວາມສາມາດ, ຄວາມຈົງຮັກພັກດີ ແລະ ມີຄຸນງາມຄວາມດີອັນໃຫຍ່ຫຼວງຕໍ່ປະເທດຊາດ.ໃນວາລະອັນໂສກເສົ້ານີ້, ພວກຂ້າພະເຈົ້າ ຄະນະນໍາ ແລະ ບຸກຄະລາກອນ ທົ່ວສະຖາບັນການທະນາຄານ ຂໍຮ່ວມແບ່ງເບົາຄວາມທຸກໂສກ ແລະ ຂໍສົ່ງຄໍາຢ້ຽມຢາມຖາມຂ່າວ ອັນສະແດງຄວາມເຫັນໃຈຢ່າງສຸດຊຶ້ງ ມາຍັງຄອບຄົວ, ຍາດຕິພີ່ນ້ອງ ຂອງສະຫາຍ ໄຊສົມພອນ ພົມວິຫານ ມາ ນະ ໂອກາດນີ້ດ້ວຍ.ດ້ວຍຄວາມອາໄລອາວອນຢ່າງສຸດຊຶ້ງ ແລະ ບູຊາຄຸນງາມຄວາມດີຕະຫຼອດໄປ.🙏 ຂໍໃຫ້ດວງວິນຍານຂອງ ສະຫາຍ ໄປສູ່ສຸຄະຕິດ້ວຍເຖີ້ນ.

ແນະນຳຫຼັກສູດສາຂາການເງິນຈຸລະພາກ

ສາຂາ ການເງິນຈຸລະພາກ (Microfinance)ສະຖາບັນການທະນາຄານ Banking Instituteສິ່ງທີ່ຈະໄດ້ຮຽນຮູ້ນັກສຶກສາຈະໄດ້ຮຽນຮູ້ການໃຫ້ບໍລິການຂອງສະຖາບັນການເງິນຈຸລະພາກທີ່ຮັບເງິນຝາກ ແລະ ບໍ່ຮັບເງິນຝາກ, ສະໜອງເງິນກູ້ລາຍຍ່ອຍ, ທຸລະກິດການເງິນດ້ານຕ່າງໆ, ຮູ້ຈັກວາງແຜນ, ກຳນົດ ແລະ ປະເມີນຍຸດທະສາດທາງດ້ານການເງິນ, ການປະຍຸກໃຊ້ໃນການບໍລິຫານສະຖາບັນການເງິນ ຫຼື ທຸລະກຳການເງິນ.ນອກນັ້ນ ຍັງໄດ້ຮຽນຮູ້ພາສາອັງກິດ 04 ຊົ່ວໂມງ/ອາທິດ (320 ຊົ່ວໂມງ/ຊຸດຮຽນ), ຝຶກນຳໃຊ້ຄອມພິວເຕີໃນຫ້ອງຄອມພິວເຕີ, ຝຶກງານໃນທະນາຄານຈຳລອງ ແລະ ອົງກອນຕ່າງໆ, ເຂົ້າຮ່ວມກິດຈະກຳທັດສະນະສຶກສາ, ຊ່ວຍເຫຼືອສັງຄົມ, ກິລາ, ສິລະປະ-ດົນຕີ ແລະ ອື່ນໆ.VDO ສາຂາ ການເງິນຈຸລະພາກ (Microfinance) Clip01https://drive.google.com/file/d/149serfJHJ9hr1Jk1ruwyRLlu1r23NwXr/view?usp=drivesdkVDO ສາຂາ ການເງິນຈຸລະພາກ (Microfinance) Clip02https://drive.google.com/file/d/1qlULlYk0pDJUY1HVf6oMSXM8vP4__UqA/view?usp=drivesdk

ແຜນທີ່ທາງມາສະຖາບັນການທະນາຄານ

ສະຖານທີ່ຕັ້ງສະຖາບັນການທະນາຄານVDO ທາງມາສະຖາບັນການທະນາຄານhttps://drive.google.com/file/d/1496jflWxlbYXBHqBDYBSgpAtyQu-0-v2/view?usp=drivesdkທີ່ຢູ່ບ້ານ ຕານມີໄຊ, ເມືອງ ໄຊທານີ, ນະຄອນຫຼວງວຽງຈັນເບີໂທລະສັບ+856 21 (+856-21) 770 916ແຟັກ(+856-21) 770967ອີເມວbankinginstitute@bibol.edu.laGoogle Maphttps://maps.app.goo.gl/PkcXrZegcpzC3ayp8

ປະກາດຮັບສະໝັກນັກສຶກສາໃໝ່ ປະຈຳສົກສຶກສາ 2026-2027

ສະຖາບັນການທະນາຄານ ຈັດຊຸດຝຶກອົບຮົມ “ການຫັນປ່ຽນທະນາຄານສູ່ດິຈິຕອລ” ເນັ້ນໃສ່ການສ້າງຍຸດທະສາດ ແລະ ບຸກຄະລາກອນຮອງຮັບຍຸກ Digital Banking

ສະຖາບັນການທະນາຄານ ຈັດຊຸດຝຶກອົບຮົມ “ການຫັນປ່ຽນທະນາຄານສູ່ດິຈິຕອລ” ເນັ້ນໃສ່ການສ້າງຍຸດທະສາດ ແລະ ບຸກຄະລາກອນຮອງຮັບຍຸກ Digital Banking[ໃນລະຫວ່າງວັນທີ 18-19 ມິຖຸນາ 2026 ທີ່ຜ່ານມານີ້, ສະຖາບັນການທະນາຄານ ໄດ້ຈັດຊຸດຝຶກອົບຮົມໄລຍະສັ້ນໃນຫົວຂໍ້ “ການຫັນປ່ຽນທະນາຄານສູ່ດິຈິຕອລ” (Digital Transformation in Banking) ໃຫ້ແກ່ ບຸກຄະລາກອນໃນຂະແໜງການເງິນ-ການທະນາຄານ ເພື່ອຍົກລະດັບຄວາມຮູ້, ວິໄສທັດ ແລະ ກຽມຄວາມພ້ອມໃນການຂັບເຄື່ອນອົງກອນໄປສູ່ຍຸກດິຈິຕອລຢ່າງເຕັມຮູບແບບ.ຊຸດຝຶກອົບຮົມໃນຄັ້ງນີ້ ໄດ້ເນັ້ນໃສ່ການແລກປ່ຽນບົດຮຽນ ແລະ ສ້າງຄວາມເຂົ້າໃຈຢ່າງເລິກເຊິ່ງໃນ 5 ພາກສ່ວນສຳຄັນ ທີ່ເປັນຫົວໃຈຫຼັກຂອງການຫັນປ່ຽນອົງກອນ ຄື:• ວິວັດທະນາການ ແລະ ຕົວແບບທຸລະກິດໃໝ່: ຜູ້ເຂົ້າຮ່ວມໄດ້ຮຽນຮູ້ວ່າ Digital Banking ບໍ່ແມ່ນພຽງແຕ່ການຍ້າຍການບໍລິການຈາກເຄົາເຕີມາຢູ່ເທິງໜ້າຈໍມືຖື, ແຕ່ແມ່ນການປ່ຽນແປງຕົວແບບທຸລະກິດ (Business Model) ຢ່າງສິ້ນເຊີງ;• ເຕັກໂນໂລຊີ ແລະ ການບໍລິຫານຂໍ້ມູນ: ເນັ້ນໜັກແນວຄິດ ຂໍ້ມູນຄືຊັບພະຍາກອນທີ່ມີຄ່າ• ຍຸດທະສາດທີ່ຍຶດລູກຄ້າເປັນສູນກາງ: ການວາງຍຸດທະສາດທີ່ດີຕ້ອງເລີ່ມຕົ້ນທີ່ "ລູກຄ້າ" ເປັນຫຼັກ ໂດຍການນຳໃຊ້ເຄື່ອງມື Business Model Canvas (BMC);• ການພັດທະນາຄົນ ແລະ ວັດທະນະທຳອົງກອນ: ເພາະສິ່ງທີ່ທ້າທາຍທີ່ສຸດຄື "ຄົນ";• ຖອດຖອນບົດຮຽນຈາກກໍລະນີສຶກສາລະດັບສາກົນ: ໄດ້ມີການສຶກສາບົດຮຽນຕົວຈິງຈາກຄວາມກ້າຫານໃນການຫັນປ່ຽນອົງກອນຂອງທະນາຄານ;ໃນຕອນທ້າຍຂອງພິທີ, ໄດ້ມີການມອບໃບຢັ້ງຢືນໃຫ້ແກ່ຜູ້ເຂົ້າຮ່ວມຝຶກອົບຮົມ ທີ່ໄດ້ສໍາເລັດຫຼັກສູດຢ່າງເປັນທາງການ. ຊຸດຝຶກອົບຮົມໃນຄັ້ງນີ້ ປິດລົງດ້ວຍບັນຍາກາດອັນສະຫງ່າງາມ ແລະ ເຕັມໄປດ້ວຍຄວາມມຸ່ງໝັ້ນຂອງບັນດາຜູ້ບໍລິຫານ ແລະ ພະນັກງານ ທີ່ຈະຮ່ວມກັນນຳພາຂະແໜງການທະນາຄານກ້າວສູ່ຍຸກດິຈິຕອລຢ່າງມີປະສິດທິພາບ ແລະ ຍືນຍົງ.

ບໍລິສັດ Lapnet ມອບເຄື່ອງ Server ຊ່ວຍເຫຼືອລ້າ ໃຫ້ແກ່ສະຖາບັນການທະນາຄານ

ໃນຕອນເຊົ້າ ວັນພະຫັດ ຂອງວັນທີ 18 ມິຖຸນາ 2026 ທີ່ຫ້ອງປະຊຸມ 4 ຊັ້ນ 3 ຕຶກສະໂມສອນ ທີ່ສະຖາບັນການທະນາຄານ, ໄດ້ມີພິທີມອບຮັບເຄື່ອງ Server ຊ່ວຍເຫຼືອລ້າຈາກບໍລິສັດ Lapnet ເປັນກຽດມອບໂດຍ ທ່ານ ສີສະໝອນ ສຣິທິຣາດ ຜູ້ອຳນວຍການບໍລິສັດ ຈຳນວນ 08 ເຄື່ອງ ແລະ ເປັນກຽດຮັບເອົາໂດຍ ທ່ານ ປອ ນ. ທອນມີ ແກ້ວກິນນາລີ ຫົວໜ້າສະຖາບັນການທະນາຄານ. ເພື່ອເອົາໄປໝູນໃຊ້ເຂົ້າໃນວຽກງານການສຶກສາ-ການຝຶກອົບຮົມ ຕາມການໜ້າທີ່ວຽກງານຂອງສະຖາບັນການທະນາຄານໃຫ້ເກີດຜົນປະໂຫຍດສູງສຸດ

ສະຖາບັນການທະນາຄານ ໄດ້ຈັດພິທີມອບ-ຮັບ ເງິນສົມທົບທຶນຊ່ວຍເຫລືອຄອບຄົວນັກສຶກສາທີ່ຖືກຜົນກະທົບຈາກພາຍຸລະດູຮ້ອນ (ຫມາກເຫັບຕົກ ໃນວັນທີ 22 ມີນາ 2026)

ໃນຕອນເຊົ້າຂອງວັນທີ 22 ພຶດສະພາ 2026 ກົງກັບວັນສຸກ, ສະຖາບັນການທະນາຄານ ໄດ້ຈັດພິທີມອບ-ຮັບ ເງິນສົມທົບທຶນຊ່ວຍເຫລືອຄອບຄົວນັກສຶກສາທີ່ຖືກຜົນກະທົບຈາກພາຍຸລະດູຮ້ອນ (ຫມາກເຫັບຕົກ ໃນວັນທີ 22 ມີນາ 2026), ໂດຍການເຂົ້າຮ່ວມເປັນປະທານຂອງ ທ່ານ ປອ ນາງ ທອນມີ ແກ້ວກິນນາລີ ຫົວຫນ້າສະຖາບັນການທະນາານ, ມີຕ່າງຫນ້າ 3 ອົງການຈັດຕັ້ງມະຫາຊົນ. ບັນດາພະແນກການ-ພາກວິຊາ ແລະ ນັກສຶກສາທີ່ໄດ້ຮັບຜົນກະທົບ ຈຳນວນ 15 ຄອບຄົວ ເຂົ້າຮ່ວມທັງຫມົດຈຳນວນ 24 ທ່ານ. ພິທີຄັ້ງນີ້ ຈຸດປະສົງ ເພື່ອຊ່ວຍເຫລືອແບ່ງເບົາຄອບຄົວຂອງ ນສ ທີ່ຖືກຜົນກະທົບ ແລະ ສ້າງຂະບວນການຊ່ວຍເຫລືອສັງຄົມ.ຂ່າວໂດຍ: ພະແນກຄຸ້ມຄອງນັກສືກສາ;ຮູບພາບ: ນັກສຶກສາ ສທຄ.

ສະຖາບັນການທະນາຄານເປີດຮັບນັກສຶກສາປະລິນຍາໂທຮຸ່ນໃໝ່ ສົກສຶກສາ 2025-2027 ແລ້ວ !!!

#ຂ່າວດີ!!!ສະຖາບັນການທະນາຄານເປີດຮັບນັກສຶກສາປະລິນຍາໂທຮຸ່ນໃໝ່ ສົກສຶກສາ 2025-2027 ແລ້ວ !!!

ຊ່ອງທາງ Official Social Media ຂອງສະຖາບັນການທະນາຄານ ທີ່ເປັນທາງການ

Link Facebook Banking Institute:https://www.facebook.com/bankinginstituteofficial/Link Tik Tok Banking Institute:https://www.tiktok.com/@bankingnewsinstit?_r=1&_t=ZS-973YgV6kfK9