ຝຶກອົບຮົມ ຫົວຂໍ້ “ການນໍາໃຊ້ມາດຕະຖານບັນຊີສາກົນ IFRS”
ສະຖາບັນການທະນາຄານໄດ້ຈັດຊຸດຝຶກອົບຮົມ ຫົວຂໍ້ “ການນໍາໃຊ້ມາດຕະຖານບັນຊີສາກົນ IFRS” ໃຫ້ແກ່ພະນັກງານທີ່ມາຈາກບັນດາທະນາຄານທຸລະກິດ, ບັນດາລັດວິສະຫະກິດຕ່າງໆພາຍໃນນະຄອນຫຼວງວຽງຈັນ ແລະພະນັກງານຄູອາຈານ ສທຄ ໃນວັນທີ 23-27 ກໍລະກົດ 2018 ໂດຍແມ່ນນັກວິທະຍາກອນທີ່ມີປະສົບການ ທ່ານ ນ. ອຈ ອຸມາ ລິດສີ ນັກວິທະຍາກອນ ອາຈານປະຈຳຫຼັກສູດບັນຊີ ມະຫາວິທະຍາໄລຂອນແກ່ນ ວິທະຍາເຂດໜອງຄາຍ ປະເທດໄທ ແລະມີຜູ້ເຂົ້າຮ່ວມທັງໝົດ 29 ຄົນ ຍິງ 19 ຄົນ. ການຈັດຝຶກອົບຮົມໃນຄັ້ງນີ້ກໍ່ເພື່ອເປັນການເສີມສ້າງຄວາມຮູ້, ຄວາມສາມາດໃຫ້ແກ່ນັກສຳມະນາກອນທີ່ມາຈາກພາກສ່ວນຕ່າງໆສາມາດນຳເອົາບົດຮຽນທີ່ໄດ້ຈາກການຝຶກອົບຮົມໄປໝຸນໃຊ້ເຂົ້າໃນການຈັດຕັ້ງປະຕິບັດວຽກງານເປັນຕົ້ນແມ່ນວຽກງານບັນຊີ ເພື່ອຊ່ວຍໃຫ້ການປະຕິບັດວຽກງານໄດ້ຮັບໝາກຜົນດີຕາມທີ່ຄາດໝາຍໄວ້, ນອກຈາກການຮັບຟັງບັນຍາຍ ແລະ ແລກປ່ຽນບົດຮຽນນຳນັກວິທະຍາກອນແລ້ວ ຜູ້ເຂົ້າຮ່ວມຍັງໄດ້ແລກປ່ຽນບົດຮຽນເຊິ່ງກັນຢ່າງກົງໄປກົງມາ.
