ຫຼັກສູດປະລິນຍາໂທ ສາຂາ: ການຕະຫຼາດ

1. ຊື່ຫຼັກສູດ

ພາສາລາວ:                    ຫຼັກສູດປະລິນຍາໂທ

ສາຂາ:  ການຕະຫຼາດ

ພາສາອັງກິດ:                  Master of Marketing Program

2. ຊື່ປະກາສະນິຍະບັດ

ພາສາລາວ:                    ປະກາສະນິຍະບັດປະລິນຍາໂທ

ສາຂາ:   ການຕະຫຼາດ      

ພາສາອັງກິດ:                  Master of Marketing

3. ໜ່ວຍງານຮັບຜິດຊອບ         

ພາກວິຊາການເງິນ                        ເບີໂທຕິດຕໍ່: 856- 021770916, ແຟັກ: 856 - 770967

4.  ປັດຊະຍາ

ເພື່ອສ້າງ​ໃຫ້ນັກສຶກສາມີທັກສະ ແລະ ຄວາມຮູ້ຢ່າງເລິກເຊິ່ງ ທາງດ້ານການຕະຫຼາດ ໃຫ້ແທດເໝາະກັບຄວາມຕ້ອງການຕົວຈິງໃນຕະຫຼາດແຮງງານ, ເພື່ອສ້າງໃຫ້ກາຍເປັນນັກວິຊາການທີ່ເຂັ້ມແຂງທາງດ້ານຫຼັກການວິຊາການ, ສາມາດ ເປັນນັກການຕະຫຼາດ ທີ່ສາມາດຕອບສະໜອງຄວາມຮຽກຮ້ອງຕ້ອງການຂອງແຜນພັດທະນາເສດຖະກິດ-ສັງຄົມ ໃນແຕ່ລະໄລຍະ, ເພື່ອສ້າງໃຫ້ສາມາດໝູນໃຊ້ເຕັກໂນໂລຊີທີ່ທັນສະໄໝ ເຂົ້າມານໍາໃຊ້ໃນວຽກງານວິຊາສະເພາະ ເປັນຕົ້ນແມ່ນການວິເຄາະຂໍ້ມູນ, ອະທິບາຍຜົນ, ສະຫຼຸບ ແລະ ສາມາດນໍາເອົາໄປເປັນຂໍ້ສະເໜີທາງດ້ານວິຊາການໄດ້.

5. ຈຸດປະສົງ

1) ສ້າງນັກສຶກສາ ປະລິນຍາໂທ ສາຂາ ການຕະຫຼາດ ໃຫ້ໄປຕາມແນວທາງຂອງກະຊວງສຶກສາທິການ ແລະ ກິລາ ໂດຍສອດຄ່ອງຕາມເນື້ອໃນຂອງ 3 ລັກສະນະ ແລະ 5 ຫຼັກມູນການສຶກສາແຫ່ງຊາດ ໃຫ້ມີຄຸນນະ​ທຳ, ຈະລິ​ຍະ​ທຳ, ຄວາມ​ຊື່​ສັດ ​ແລະ ຄວາມ​ຮັບຜິດ​ຊອບໃນການພັດທະນາ​​ອົງ​ກອນບໍ່ວ່າຈະປະກອບອາຊີບໃນພາກລັດ ຫຼື ເອກະຊົນ ລວມທັງ​ເປັນ​ຜູ້​ປະກອບ​ທຸລະ​ກິດ​ທີ່​ດີ​ໃນ​ສັງ​ຄົມ​ໄດ້.

2) ສ້າງນັກ​ສຶກສາລະດັບປະລິນຍາໂທ ຕ້ອງມີ​ຄວາມ​ຮູ້ພຶ້ນຖານທາງດ້ານທິດສະດີ, ຫຼັກການວິຊາການ, ມີທັກ​ສະ​ທາງ​ດ້ານການຕະຫຼາດມີວິທີການ ແລະ ຄວາມຮູ້ທີ່ກ່ຽວຂ້ອງໃນສາຂາວິຊາສະເພາະຢ່າງເປັນລະບົບ ຊຶ່ງສາມາດນໍາໃຊ້ເຂົ້າໃນການປະຕິບັດຕົວຈິງ ແລະ ມີຄວາມສາມາດເຮັດວຽກການຄົ້ນຄ້ວາວິທະຍາສາດໃນລະດັບຂັ້ນພຶ້ນຖານໄດ້.

3) ນັກ​ສຶກສາ​ທີ່​ຈົບ​ຈາກ​ສາຂາຫຼັກສູດ​ນີ້ ສາມາດ​ນໍາໃຊ້ເທັກໂນໂລຊີເຂົ້າໃນວິຊາສະເພາະທາງດ້ານຕະຫຼາດ ໃນການວິເຄາະຂໍ້ມູນດ້ານຕ່າງໆ ເພື່ອນໍາຜົນການວິເຄາະມາອະທິບາຍ ແລະ ສາມາດສະເໜີແນະໄດ້. ນອກຈາກຈາກນັ້ນຍັງສາມາດ ຍົກລະດັບການ​ສຶກສາ​ຕໍ່ໃນ​ສາຂາ​ທີ່​ກ່ຽວຂ້ອງ​ໃນ​ລະດັບ​ທີ່​ສູງ​ກວ່າ ​ທັງພາຍ​ໃນ ແລະ ຕ່າງປະ​ເທດ​ໄດ້.

6. ຄາດຫມາຍຜົນການຮຽນ

Ø  ດ້ານຄວາມຮູ້: ຜູ້ຮຽນຈະມີຄວາມຮູ້ທາງດ້ານການຕະຫຼາດ ໃນລະດັບທິດສະດີ ແລະ ການປະຍຸກໃຊ້ ເຊັ່ນ: ພຶດຕິກໍາຜູ້ບໍລິໂພກ, ຍຸດທະສາດທາງການຕະຫຼາດ, ການວິໄຈຕະຫຼາດ, ການຕະຫຼາດດິຈິຕອນ, ແລະ ທ່ອ່ຽງການຕະຫຼາດລະດັບໂລກ ລວມເຖິງສາມາດວິເຄາະສະຖານະການທາງທຸລະກິດ ເພື່ອກໍານົດຍຸດທະສາດການຕະຫຼາດຢ່າງມີປະສິດທິພາບ.

Ø  ດ້ານທັກສະ: ຜູ້ຮຽນຈະພັດທະນາທັກສະການວິເຄາະຂໍ້ມູນທາງການຕະຫຼາດ, ທັກສະການຄິດແບບຍຸດທະສາດ, ການສື່ສານທາງທຸລະກິດ, ການວາງແຜນການຕະຫຼາດ ແລະ ການບໍລິຫານໂຄງການ ລວມທັງສາມາດໃນການນໍາໃຊ້ເຄື່ອງມື ແລະ ເຕັກໂນໂລຊີທີ່ກ່ຽວຂ້ອງເຊັ່ນ: ຊັອບແວວິເຄາະຂໍ້ມູນ,  ແລະ ແພລັດຟອມດິຈິຕອນຕ່າງໆ.

Ø  ດ້ານການນໍາໃຊ້: ຜູ້ຮຽນຈະສາມາດປະຍຸກຄວາມຮູ້ ແລະ ທັກສະ ໄປໃຊ້ໃນສະຖານະການຕົວຈິງຂອງອົງກອນ ບໍ່ວ່າຈະເປັນ ການວາງແຜນການຕະຫຼາດ, ການພັດທະນາຜະລິດຕະພັນ ການບໍລິຫານຍີ່ຫໍ້ ຫຼື ການດໍາເນີນກິດຈະກໍາທາງການຕະຫຼາດແບບຄົບວົົງຈອນ ທັງໃນທຸລະກິດທ້ອງຖິ່ນ ແລະ ລະດັບນານາຊາດ.

Ø  ດ້ານທັກສະທາງສັງຄົມ: ຜູ້ຮຽນຈະສາມາດເຮັດວຽກຮ່ວມກັນກັບຜູ້ອື່ນໄດ້ຢ່າງມີປະສິດທິພາບ, ມີພາວະຄວາມເປັນຜູ້ນໍາ, ເຂົ້າໃຈຄວາມຫຼາກຫຼາຍທາງວັດທະນະທໍາ, ມີຈັນຍາບັນທາງທຸລະກິດ ແລະ ສາມາດສື່ສານຢ່າງ
ເໝາະສົມ ທັງພາຍໃນອົງກອນ ແລະ ກັບບຸກຄົນພາຍນອກ.

7. ເງື່ອນໄຂ ຂອງ ຜູ້ເຂົ້າສຶກສາ

ຕາມ​ຂໍ້​ກຳ​ນົດ​ວ່າ​ດ້ວຍ​ເງື່ອນ​ໄຂການ​ຮັບ​ເອົານັກ​ສຶກ​ສາ​ ທີ່​ທາງ​ສະຖາບັນການທະນາຄານວາງອອກ ຄື:

- ສໍາລັບນັກສຶກສາ ທີ່ສໍາເລັດລະດັບປະລິນຍາຕີ ໃນສົກຮຽນທີ່ກໍາລັງຈະເປີດ ແມ່ນຕ້ອງຮຽນຈົບ ໃນສາຂາວິຊາ: ການຕະຫຼາດ, ບໍລິຫານທຸລະກິດ, ການເງິນ, ການທະນາຄານ ແລະ ສາຂາທີ່ກ່ຽວຂ້ອງ ໂດຍມີຄະແນນສະເລ່ຍສະສົມ 3.00 ຂຶ້ນໄປ.

- ສຳລັບ ພະນັກງານທັງພາກລັດ ຫຼື ເອກະຊົນ ແລະ ບັນດາພາກສ່ວນອື່ນ ທີ່ຈົບປະລິນຍາຕີ ແຕ່ມີຄະແນນສະເລ່ຍສະສົມຕ່ຳກວ່າ 3.00 ແມ່ນຕ້ອງມີປະສົບປະການໃນການເຮັດວຽກຢ່າງໜ້ອຍ 2 ປີ.

- ສໍາລັບນັກສຶກສາທີ່ສຳເລັດການສຶກສາ ໃນລະດັບປະລິນຍາຕີ ໃນສາຂາວິຊາອື່ນໆນັ້ນ ຕ້ອງໄດ້ລົງທະບຽນຮຽນວິຊາຄວາມຮູ້ພື້ນຖານທີ່ຈໍາເປັນຂອງ ສາຂາ ການຕະຫຼາດ ໂດຍບໍ່ໄດ້ນັບໜ່ວຍກິດເຂົ້າໃນຫຼັກສູດ.

8. ການຈັດຕັ້ງການຮຽນ-ການສອນ

ຫຼັກສູດປະລິນຍາໂທບໍລິຫານທຸລະກິດ ສາຂາ ການຕະຫຼາດ ເປັນຫຼັກສູດເປີດການຮຽນ-ການສອນເຕັມເວລາ 7-8 ຊົ່ວ ໂມງຕໍ່ມື້ ໃນວັນເສົາ ແລະ ວັນອາທິດ ແມ່ນເລີ່ມແຕ່ 8:00 ໂມງ ຫາ 12:00 ໂມງ ແລະ 13:00 ໂມງ ຫາ 17:00 ໂມງ.

ນອກຈາກການຈັດຕັ້ງການຮຽນການສອນທິດສະດີໃນຫ້ອງຮຽນແລ້ວ ຫຼັກສູດນີ້ຍັງມີຄວາມຈຳເປັນຄຽງຄູ່ກັບການຈັດກິດຈະກຳໄປທັດສະນະສຶກສາທັງພາຍໃນ ຫຼື ຕ່າງປະເທດຢ່າງໜ້ອຍໜຶ່ງຄັ້ງຕໍ່ໜຶ່ງຊຸດຮຽນ ເພື່ອໃຫ້ຜູ້ສຶກສາໄດ້ເຂົ້າໃຈທັງພາກທິດສະດີ ແລະ ພາກຕົວຈິງໃຫ້ເລິກເຊິ່ງຕື່ມອີກ.

9. ໄລຍະເວລາການສຶກສາ

ຫຼັກສູດປະລິນຍາໂທບໍລິຫານທຸລະກິດ ສາຂາ ການຕະຫຼາດ ​ເປັນຫຼັກສູດ​ໃຊ້​ເວ​ລາ​ຮຽນ 2 ປີ, ຊຶ່ງ​ແບ່ງ​ອອກ​ເປັນ 4 ພາກຮຽນ ແລະ ສາມາດຮັກສາສະຖານະພາບເປັນນັກສຶກສາໄດ້ສູງສຸດ 1 ປີ (2 ພາກຮຽນ).

10. ເນື້ອໃນໂຄງສ້າງຂອງຫຼັກສູດ

10.1 ການກໍານົດ​ໜ່ວຍ​ກິດເຂົ້າ​ໃນ​ຫຼັກສູດ

ແບ່ງອອກເປັນ 3 ໝວດວິຊາ ດັ່ງນີ້:

1)      ໝວດວິຊາບັງຄັບ:            27        ໜ່ວຍກິດ

2)      ວິທະຍານິພົນ:                 14        ໜ່ວຍກິດ

3)      ໝວດວິຊາເລືອກ:            4          ໜ່ວຍກິດ          

ລວມໜ່ວຍກິດທັງໝົດແມ່ນ          45        ໜ່ວຍກິດ

10.2 ການຈັດແບ່ງລາຍວິຊາຮຽນ ໃນແຕ່ລະໝວດວິຊາ

  1) ໝວດ​ວິ​ຊາບັງຄັບ

ໜວດວິຊາບັງຄັບໃນຫຼັກສູດປະລິນຍາໂທບໍລິຫານທຸລະກິດ ສາຂາ ການຕະຫຼາດປະກອບມີ 30 ໜ່ວຍກິດຄື:

ກ. ໝວດ​ວິ​ຊາພື້ນຖານວິຊາສະເພາະ

ຂ. ໝວດ​ວິ​ຊາສະເພາະ

2) ໝວດຄົ້ນຄວ້າ ແລະ ວິທະຍານິພົນ (Thesis)

3) ໝວດ​ວິ​ຊາເລືອກ

ຜູ້ທີ່ສຶກສາໃນຫຼັກສູດການຕະຫຼາດນີ້ ນອກຈາກຮຽນໃນວິຊາບັງຄັບ ແລະ ໝວດວິຊາສະເພາະແລ້ວ ນັກສຶກສາຍັງສາມາດເລືອກຮຽນໃນໝວດວິຊາເລືອກຈຳນວນ 4 ໜ່ວຍກິດ.