ຝຶກອົບຮົມໄລຍະສັ້ນ ຫົວຂໍ້ “ ວິເຄາະລາຍງານທາງການເງິນ ”
ສະຖາບັນການທະນາຄານໄດ້ຈັດຝຶກອົບຮົມໄລຍະສັ້ນ ຫົວຂໍ້ “ ວິເຄາະລາຍງານທາງການເງິນ ” ໃຫ້ແກ່ພະນັກງານ ທີ່ມາຈາກບັນດາທະນາຄານທຸລະກິດ, ບັນດາລັດວິສະຫະກິດຕ່າງໆພາຍໃນນະຄອນຫຼວງວຽງຈັນ ແລະ ພະນັກງານຄູ-ອາຈານ ສທຄ ໃນວັນທີ 28/5-01/6/2018 ເຊິ່ງບັນຍາຍໂດຍອາຈານທີ່ມີປະສົບການກ່ຽວກັບວຽກງານດັ່ງກ່າວ. ທ່ານ ດຣ ນາຣາ ກິດຕິເມທິກຸນ ແລະ ທ່ານ ນ. ອຈ ອຸມາ ລິດສີ (ປະເທດໄທ) ເຊິ່ງມີຜູ້ເຂົ້າຮ່ວມທັງໝົດ 41 ຄົນ ຍິງ 19 ຄົນ. ການຈັດຝຶກອົບຮົມໃນຄັ້ງນີ້ກໍ່ເພື່ອເປັນການເສີມສ້າງຄວາມຮູ້ກ່ຽວກັບຫຼັກພື້ນຖານບັນຊີ ສຳລັບການອ່ານບົດລາຍງານທາງການເງິນ, ເຄື່ອງມືການວິເຄາະລາຍງານທາງການເງິນ ແລະ ການບໍລິຫານສິນເຊື່ອແບບມືອາຊີບສຳລັບຜູ້ປະກອບການ, ເຊິ່ງນໍາໄປສູ່ການພັດທະນາ ສິນເຊື່ອຂອງທະນາຄານທຸລະກິດແລະຜູ້ປະກອບການໃນປະຈຸບັນ ແລະອານາຄົດ. ນອກຈາກການຮັບຟັງບັນຍາຍ ແລະແລກປ່ຽນບົດຮຽນນໍານັກວິທະຍາກອນແລ້ວ ຜູ້ເຂົ້າຮ່ວມຍັງໄດ້ແລກປ່ຽນຄວາມຄິດເຫັນເຊິ່ງກັນ ແລະກັນດ້ວຍບັນຍາກາດທີ່ຟົດຟື້ນ ແລະໜ້າປະທັບໃຈ.
